VOV4.K’ho- Drim òr 18/4, Thủ tướng Nguyễn Xuân Phúc tus bal mờ sồr sơnđờm lơh Tiah lơh bal lơh broă sa sươn sre công nghệ cao ròng kơnrồ mờ lơh gơlik ală phan bơna bơh dà toh tàm xã Sông Bình, kơnhoàl Bắc Bình, càr Bình Thuận. Tiah lơh bal Lơh broă sa sươn sre công nghệ cao ròng kơnrồ mờ lơh gơlik ală bơta phan bơh dà toh geh ù tiah ơnàng rlau 8 rbô lồ bơh Công tu cổ phần dà toh Thông Thuận bơcri priă lơh mờ kờp jơh priă bơcri là 3 rbô tơmàn. Tàm hơ\ geh ală rơndăp broă lơh: Tam nhơ\t mờ tơngời, ròng kơnrồ dà toh mờ kơnrồ puăc công nghệ cao; hìu măy lơh gơlik dà toh, hìu măy lơh gơlik puăc kơnrồ, hìu măy dà sàng kloh mờ hìu măy kơldung ơn tàm kơldung. Do là dùl tàm ală broă lơh pa bơh càr dê đòm jat ngui công nghệ cao bơtàu tơnguh lơh broă sa sươn sre, bơ\t bơtàu dùl ròt lơh bal khà priă, lơh gơlik phan bơna niam. Rơndăp broă lơh geh pơgồp bơnah lơh tam gơl muh mat gah lơh broă sa sươn sre Bình Thuận bơh lơh sa ờs mờng bơh yau tus lơh sa jat gùng dà pa, lơh geh tai broă lơh broă sa ai cau lơh broă sa tàm tiah do in.

Cau cih mờ yal tơngi\t- Lơ Mu K’ Yến