VOV4.K’ho- Mho ngai 10/3, Ủy ban dà lơgar bè Chính phủ điện tử bơyai lơh pơrjum sền wơl broă lơh jat Nghị quyết sồ 17 bơh Chính phủ dê bè 2, 3 kơ nòl broă, broă lơh tờm bơtàu tơnguh Chính phủ điện tử. Đơs pơn dut pơrjum, Thủ tướng đơs loh, mờ broă ai tơlik Nghị quyết sồ 17, dơ\ sơn rờp bol he geh broă rơndap lơh bal bè lam lơh Chính phủ điện tử tàm Việt Nam.

Thủ tướng đơs nền, 3 nam do, Mpồl đơng lam dà lơgar bè Chính phủ điện tử neh pơgồp bơnah kuơmàng tàm broă bơtàu tơnguh Chính phủ điện tử. Do là tơngai sơn rờp tơ nơ\ 20 nam Chính phủ geh broă wèt sền, jơnau kờ` ngan ngồn tus tơl bộ, gah broă lơh mờ ală tiah dê bè bơtàu tơnguh Chính phủ mờ gơnoar atbồ điện tử. Ai tơlik lài gùng dà kơ nòl broă tàm tơngai tus, Thủ tướng đơs nền broă lơh bơt bơtàu thể chế, chồl pràn broă drơng ala dà lơgar pờ tơlik tơn tàm internet.

 Lam lơh geh cồng nha Cơ sở dữ liệu dà lơgar bè làng bol ơm kis, nàng tơrmù sră pơ àr tàm broă bơsong sră nggal hành chính. Bộ Tài nguyên mờ Môi trường chồl mhar tơngai bơt bơtàu Cơ sở dữ liệu ù tiah dà lơgar, lơh bè lơi tus nhai 7 nam do lơh gơs broă tơrbo\, tam pà dữ liệu ù tiah jat jơnau sồr.

Cau mblàng K’Duẩn