VOV4.K’ho- Thủ tướng Phạm Minh Chính pa geh sră nggal sồr bè broă sơlơ tơnguh rlau tai broă lơh rơcang sơndră kòp Kovid-19, gròi sền jơi tam gơl să Omicron bơh virus Sars KoV-2 dê. Tŭ do tàm lơgar, bulah ờ hềt git gŏ geh cau bơtờp jơi tam gơl să Omicron mơya khà cau bơtờp kòp, khà cau kòp jroă, cau kòp chơt să kung gam ngai sơlơ gơguh uă mờ gah lơh sơnơm tàm 2, 3 tiah neh gal ir cau kòp. Tềng đap bơta do mờ jơnau digơlan jơi tam gơl să Omicron bơtờp tàm lơgar he là uă ngan, Thủ tướng Cíñ phủ sồr: Ƀộ Y tế gròi sền nền nòn broă gơlik geh bơh kòp bơtờp dê tàm dunia, mhar pơlam bè broă sền sơ wì khà bơtờp kòp mờ ală broă lơh rơcang sơndră kòp pal geh gơ in dipal mờ broă gơlik geh bơh kòp bơtờp mờ jơnau pơhìn bơtờp jơi tam gơl să Omicron dê. Jơh ală Ƀộ, gah broă lơh, Ủy ƀan Ñân Zân ală càr, ƀòn dờng sơlơ đơng lam ală broă lơh rơcang sơndră kòp bơtờp.

Cau mblàng K’Duẩn