VOV4.K’ho- Di dơ\ sa tềp bơhiàn dà lơgar dê nam Tân Sửu 2021, mho ngai 05 nhai 02, ồng Nguyễn Xuân Phúc Thủ tướng Chính phủ neh lòt còp mờ pà phan sa tềp ai ală cau ờ pràn gam geh sền gàr tàm Anih tờm sền gàr dong kờl mpồl bơtiàn càr Quảng Nam. Do là broă lơh bềng bơta kuơ bơh kuang đơng lam bồ Đảng mờ Dà lơgar dê tu\ sơnam pa sa tềp tus, nàng tơl nă cau Việt Nam bulah ơm tàm tiah lơi halà geh rài kis bè lơi ndrờm geh sền gròi mờ geh phan sa tềp.

Lài mờ ngai mu\t tàm nam pa Tân Sửu, ồng Nguyễn Xuân Phúc Thủ tướng Chính phủ sồr Anih tờm sền gàr dong kờl mpồl bơtiàn càr Quảng Nam pal sền gròi tus rài kis bơh tơl nă cau dê nàng lơh geh bơta [ươn mờ dong kờl ngan ngồn ai ală cau in gơtùi rê bơtòm tơrgùm măt bal mờ hìu bơnhă nàng wa\ rò sơnam pa sa tềp.

Gơ wèt mờ ală cau ơm wơl sa tềp, Anih do pal bơyai lơh wa\ rò sơnam pa sa tềp chờ hờp, nàng jơh tơl nă cau mờ jơh ală cau tàm anih do ndrờm geh wa\ rò sơnam pa tàm nùs nhơm chờ hờp ram mhu\. Kuơmàng là jơh ală cau tàm anih tờm do dê pal lơh jăt niam ală broă lơh rơcăng sơndră kòp Covid-19, nàng ờ geh cau lơi gơtìp bơtờp kòp Covid-19.

Cau mblàng Lơ Mu K’Yến