VOV4.K’ho – Mang ngai 28/8, tàm Hà Nội, Thủ tướng Nguyễn Xuân Phúc mờ pơ ùr đơng lam dơ\ bơyai lơh tơngkah yu\ rơyùm 75 nam ngai sơn tờm dà lơgar Việt Nam, ngai 2/9. Jơh nùs gờm chờ ală kuang bàng đơng lam bồ, ală cau nac kuơmàng geh jà tus dơ\ tơngkah, Thủ tướng pà git, ngai 2/9/1945, Chủ tịch Hồ Chí Minh, kuang đơng lam bồ dờng màng bơh jơi bơtìan Việt Nam dê neh sền sră cih Jơnau yal bơr lơngap lơngai is, crơng gơs dà lơgar Việt Nam Dân chủ Cộng hòa, tu\ do là dà lơgar Cộng hòa xã hội chủ nghĩa Việt Nam.

                                          Thủ tướng ồng Nguyễn Xuân Phúc geh jơnau đơs tàm pơrjum

                                                               Broă cào kơ tàm dơ\ pơrjum

Bơtàu tơnguh pràn ngan tàm gơl gùng 75 nam kac màng dờng màng, tu\ do, Việt Nam gam brồ guh tus jơnau kờ` “Làng bol pas sơm, dà lơgar pràn kơldang, dùl nùs lơh bal, ring bal, gơguh jak” mờ lơh geh ua\ cồng nha kươmàng tàm tơl gah broă lơh, tă pơgồp jơh nùs, geh kơnòl ai ring lơngai, lơh broă bal tàm tiah do  mờ tàm gùt plai ù.

Nam 2020 là dùl nam pal kah ngan tu\ Chính phủ mờ làng bol Việt Nam neh pơgồp bal bơta pràn, dùl nùs bal lơh jat jơnau kờ` dơ\ le\ bal, ờ mìng bơtàu tơnguh lơh sa, mờ gam sơndră kòp Covid-19 geh cồng nha, geh dunia đơs niam ngan.

Cau mblàng K’Duẩn