VOV4.K’ho –  Mho ngai 28/5, Thủ tướng Nguyễn Xuân Phúc neh đơng lam pơrjum Thường trực Chính phủ mờ Mpồl đơng lam dà lơgar bè broă tam gơl pria\ nhai, bảo hiểm xã hội mờ dong kờl cau geh màng mờ dà lơgar. Thủ tướng sồr pal pơn jat tai ai tai jơnau đơs bơh cau mờng chài dê nàng geh rơndap broă tam gơl pria\ nhai geh cồng nha, cèng bơta tơr gùm bal jơh ală bơta, ring bal, dipal mờ bơta krơi is bơh mpồl lơh broă chính trị, ală gah broă lơh ờs mờng krơi is, lơh gơlik bơta pràn mờ ring bal tàm mpồl bơtìan.

Bộ Nội vụ đơng lam, pơgồp bal mờ ală anih lơh broă geh jơng bơh Mpồl đơng lam dê pơn jat tai kơ lôi sơ nơng, lơh sir ală tơngume bè pria\ nhai pa, kuơmàng là rơndap broă cih pria\ nhai mpồl lơh broă geh phàu crong, broă dong kờl jat broă lơh, broă tơnguh pria\ nhai, kơrnuat sap sèng pria\ nhai, kơrnuat tam gơl sap cèng pria\  nhai yau gơs pria\ nhai pa.

Ală Bộ, anih lơh broă, ngan là ală anih lơh broă geh jơng tàm Mpồl đơng lam pơn jat tai lơh gơs jơnau sồr cih pria\ nhai mờ broă dong kờl (dilah geh) gơ wèt tus mờ Công chức, viên chức gơ wèt gơnoar atbồ nàng pơgồp bal mờ Bộ Nội vụ mờ ală anih lơh broă geh gơ rềng lơh sir jơnau cih bè pria\ nhai pa.

Cau mblàng K’Duẩn