VOV4.K’ho – Drim ngai 4/9, tàm Hìu lơh broă Chính phủ, tềng đap bơta đơng lam bơh Thủ tướng Nguyễn Xuân Phúc dê, Chính phủ pơrjum ờs mờng nhai 8, sền sơ wì broă lơh sa – mpồl bơtìan tàm tơngai lài, cribơyai gùng dà bơtàu tơnguh ală nhai lồi nam mờ 2, 3 tơngume kuơmàng ndai.

Đơs mut pơrjum, Thủ tướng Nguyễn Xuân Phúc pà git, pơrjum geh cribơyai ua\ rlau tai bè broă lơh sa mpồl bơtìan nhai 8, halà broă bơcri pria\ dà lơgar dimơ tơngai mờ ală broă lơh chồl pràn rài lơh sa bơtàu tơnguh tàm tơngai tus.

Đơs loh bơta lơh ngan bơh Chính phủ dê là lam lơh jơnau kờ` dơ\ le\ bal ờ mìng sơndră kòp geh cồng nha mờ gam tơrgùm bơtàu tơnguh lơh sa mpồl bơtìan, Thủ tướng sồr, ală Bộ, gah broă lơh, ală tiah pơn jat tai lam lơh ală broă lơh chul chồl gơguh lơh sa pràn kơldang jơh bal tàm broă lơh gơlik phan mờ jơnau kờ` ngui sa. Bơdìh hơ\ tai, pal geh broă lơh pria\ jền, nam pria\ jền nàng tơnguh cồng nha rlau tai tus mờ ală gah ngui sa, bơcri pria\, tac phan hờ lơgar ndai mờ ngui ală broă lơh pa drơng jơnau kờ` bơtàu tơnguh bơh dà lơgar dê tàm bơta bè ờs pa.

Cau mblàng K’Duẩn