VOV4.K’ho- Đơs pơn du\t dơ\ pơrjum pờ tơlik tơn tàm internet gùt lơgar bè rcang sơn dră kòp Covid-19 geh lơh tàm mho ngai 2/8, Thủ tướng Nguyễn Xuân Phúc sồr ală Bộ, gah sơnah lơh broă ală tiah là ba` rơngòt, rcang lài, krà` cê jơh nùs nàng kơryan geh cồng nha gơbàn wơl tai kòp Covid-19 dơ\ 2 tàm Việt Nam. Tơngkah lài kòp digơlan bơtờp uă di lah ờ geh broă lơh krà` cê jơh nùs mờ di pal, Thủ tướng sồr Đà Nẵng mờ Quảng Nam pơn jat tai bơsong ală tiah gơbàn kòp. Ală tiah ba` sền ờ sơ\p broă lơh rcang sơn dră kòp, hòi jà jơh bal ală anih lơh broă chính trị mut lơh bal.

Bè gùng dà bơyai lơh pơr lòng jơh bơsram kấp pe, Thủ tướng sồr Bộ Gíao dục mờ Đào tạo đơng lam gùng dà broă lơh ngan ngồn, gàr niam bơta ờ do ờ dă ai dơ\ pơr lòng in; geh gùng dà broă lơh ngan ngồn gơ wèt mờ ală tiah ơm yah ngài. Bộ pal jat tàm bơta geh ngan nàng geh jơnau đơng lam ală tiah in geh gùng dà broă lơh gàr niam bơta ờ do ờ dă ai dơ\ pơr lòng in.

Tàm tu\ jal mhar bè tu\ do, Thủ tướng đơng lam Bộ Y tế mờ Bộ Tài chinh ai lài priă jền nàng blơi phan bơna sơnơm tơm [a nàng rcang sơn dră kòp, tơnơ\  hơ\ Bộ Y tế mờ Bộ Tài chính pal geh jơnau bơto pơ lam ală tiah bè tơl chủng loại, phan ngui kờ` pal geh.

Cau mblàng K’ Hạnh