VOV4.K’ho - Mho òr (24/6), Thủ tướng ồng Nguyễn Xuân Phúc đơng lam pơrjum Thường trực Chính phủ bè broă rơcang sơndră mờ kòp Covid-19.

Jăt jơnau yal bơh mpồl đơng lam Dà lơgar rơcang sơndră mờ kòp Covid-19, tus tu\ do gùt lơgar dờp geh 328 nă cau neh sơm bời (geh 94% khà cau gơtìp kòp), tu\ do gam 21 nă cau gam geh pơn jăt tai sơm kòp.

Bơh ngai 15 nhai 4 tus tu\ do, Bộ Ngoại giao neh pơgồp bal mờ ală Bộ, gah lơh broă gơrềng bal, ală anih lơh broă geh gơnoar, anih lơh broă ala măt lơgar Việt Nam tàm lơgar bơdìh mờ ală gah rơndeh par bơyai lơh 33 dơ\ par ai di pơgăp 8 rơbô nă cau bơh 42 lơgar, ù tiah rê hờ lơgar tòm.

Đơs pơn du\t pơrjum, thủ tướng đơs tòm, Chính phủ ờ hềt ai pờ mpồng gơwèt mờ năc nhơl chờ tus tàm lơgar Việt Nam. Thủ tướng sồr ală anih lơh broă geh gơnoar pơn jăt tai ală broă rơcang nàng jòi mhar di lah geh cau gơtìp kòp.

Mờ 35 rơbô nă cau lơgar Việt Nam kờ` rê hờ lơgar tòm, Thủ tướng ring bal broă lài ngan ai tơl bơta niam 14 rơbô nă cau di pal mờ jơnau kờ` rê hờ lơgar tòm mờ ală dơ\ par bơh uă tiah.

Cau mblàng Ndong Brawl