VOV4.K’ho- Mho ngai 15/3, tàm hìu lơh broă Chính phủ,  ồng Nguyễn Xuân Phúc Thủ tướng Chính phủ đơng lam pơrjum Thường trực Chính phủ cribơyai bè Rơndap cih Nghị quyết bơh Ủy ban Thường vụ Quốc hội cih bè priă drơng broă ngui gùng rơndeh ntoat rat bơh Anih tă priă lòt rê tàm gùng ntoat rat bơh Dà lơgar bơcri priă lơh. Đơs là broă tă priă ngui gùng rơndeh ntoat rat gơ wèt mờ ală rơndap broă lơh bơh Dà lơgar bơcri priă lơh là kờñ ngan nàng tơm dồs priă càn, sền gàr, lơh niam wơl... mơya Thủ tướng đơs nền, Dà lơgar bơcri priă lơh gùng rơndeh ntoat rat ờ ờ gŏ di kơlôi tus jơnau kờñ kă bro lơh geh priă cồng den tàng broă tă priă mìng nàng kờñ bơsir tàm ală priă tă kờñ ngan bè, tơm dồs priă càn, sền gàr mờ lơh niam wơl,...

Jat tàm ală jơnau đơs bơh ală Bộ, gah sơnah lơh broă, jat Thủ tướng, tơngai tŭ do đơs dùl broă lơh ngan ngồn, mhar gơ rềng tus làng bol mờ rài lơh sa den pal kơlôi sơnơng nền. Rơndap cih Adat gùng lòt ù gờl tam gơl gam tàm tơngai lơh sir, den pal ai tơngume tă priă do cih tàm Adat.

Cau mblàng K’ Hạnh