VOV4.K’ho- Mho ngai 04/03, còp mờ lơh broă tàm càr Thừa Thiên_Huế, ồng Nguyễn Xuân Phúc Thủ tướng Chính phủ sồr ală Bộ, gah sơnah lơh broă geh gơ rềng gờ`  lơh sir rơndap cih Nghị quyết yal mờ Ủy ban Thường vụ Quốc hội in ai ngui bè bàr pe kơrnoat, broă lơh krơi is gơ wèt mờ càr Thừa Thiên_Huế tàm bơ nàng jă prap gàr mờ ngui niam bơta kuơ phan lời wơl kah yau càr lơgar yau mờ bơhìan niam chài Huế dê.

Lam lơh jat Nghị quyết bơh Bộ Chính trị dê, tus tu\ do Chính phủ neh bơt bơtàu rơndap cih Nghị quyết bơh Ủy ban Thường vụ Quốc hội ai ngui bàr pe kơrnoat, broă lơh krơi is gơ wèt mờ càr Thừa Thiên_Huế. Rơndap cih Nghị quyết ai gơ noar ngui ală broă jàu krơi is bè broă lơh, khà kờp làng bol, tàm pơn ring pria\ dia, pria\ lơh geh kờp bal tơl nă cau dê mờ bơt bơtàu kơrnoat, broă lơh krơi is nàng kờ` dong càr Thừa Thiên_Huế lơh jat niam bơta pràn is bơh càr dê, hòi jà geh ua\ ngan rlau jơh ală pria\ jền bơcri bơtàu tơnguh, gàr niam bơta ring bal đah tơnguh lơh sa mờ bơtàu tơnguh bơta niam chài, bơh hơ\ hời rơ hời tơnguh ua\ pria\ lơh geh ai làng bol in.

Cau mblàng K’ Hạnh