VOV4.K’ho – Mho òr 16/8, Thủ tướng Nguyễn Xuân Phúc neh lơh broă mờ Cục Gròi sền lơh sră nggal hành chính mờ Hội đồng dong pơlam lơh tam gơl lơh sră nggal hành chính nàng sền wơl cồng nha mu\t lơh tàm tơngai lài.

Bơh bồ nam tus tu\ do, Văn phòng Chính phủ neh sền swì wơl 21 rơndăp cih sră nggal gơrềng tus kơrnoat boh lam; tàm hơ\ sồr ờ cih 20 sră nggal, tam gơl 125 sră nggal. Văn phòng Chính phủ kung dờp rlau 700 jơnau đơs tă pơgồp bơh làng bol dê đơs bè gùng dà broă lơh, kơrnoat boh lam, sră nggal hàng chính, jun tus ală bộ, gah sơnah lơh broă mờ ală tiah in bơsong jat di gơnoar broă.

Thủ tướng Nguyễn Xuân Phúc song dơ pă đơs là, làng bol mờ mpồl lơh sa kă bro kung gam đơs wàm ngan anih lơh broă hành chính dà lơgar dê tàm broă lơh ală sră nggal hành chính tài bơh kung gam uă ir, kal ke jo\ jòng. Thủ tướng sồr, kơnòl broă tềng đap mat gơ wèt mờ broă lơh tam gơl sră nggal hành chính là tơrgùm nàng chul chồl gơguh tai lơh sa.

Thủ tướng sồr lơh niam jơnau sồr dờp, bơsong ală jơnau đơs tă pơgồp bơh làng bol mờ mpồl lơh sa kă bro dê; yal cồng nha lơh tàm anih yal tơngi\t jơnau điện tử Chính phủ mờ anih yal tơngi\t jơnau ală bộ, gah sơnah lơh broă mờ ală tiah dê.

Cau cih mờ yal tơngi\t- Lơ Mu K’ Yến