VOV4.K’ho- Mho ngai 11/6, tàm Văn phòng Chính phủ, ồng Nguyễn Xuân Phúc Thủ tướng Chính phủ neh geh dơ\ cribơyai broă tàm điện thoại mờ ồng Edouard Philippe Thủ tướng lơgar Tây dê nàng cribơyai bàr pe broă lơh lơh broă bal tàm broă rcăng sơndră kòp Covid-19 mờ tơnguh bơta gi\t gơ\p đah 2 lơgar.

Thủ tướng Nguyễn Xuân Phúc cribơyai broă tàm điện thoại mờ Thủ tướng lơgar Tây

Tàm dơ\ cribơyai broă tàm điện thoại, 2 nă Thủ tướng đơs niam ngan ală broă bơtàu tơnguh bơta gi\t gơ\p đah Việt Nam mờ Mpồl Tam klăc châu Âu (EU), ngan là broă dong kờl ai mu\t lơh jăt EVFTA mờ EVIPA.

Bàr nă kuang đơng lam bồ đơs nền bơta pơgồp bal kơ\ kơl jăp đah 2 gah ờ go\ di mìng tam dră mờ kòp dờng Covid-19 tu\ do dê lơm mờ gam tă pơgồp lơh jăt ală jơnau kờ` bơtàu tơnguh kơ\ kơl jăp, sơndră wơl mờ tam gơl trồ tiah, sền gàr tiah ơm kis kung bè sền gàr lơngăp lơngai, kơ\ kơl jăp, pal sền dờng màng adat boh lam dunia tàm ală tiah kung bè tàm dà lềng đah măt tơngai lik.

Cau mblàng Lơ Mu K’Yến