VOV4.K’ho- “A` kơp kờ` ală lơgar bơcri pria\ te\ tàm mpồl ASEAN, tàm lơgar Việt Nam”, hơ\ là jơnau đơs bơh Thủ tướng Chính phủ, ồng Nguyễn Xuân Phúc dê tàm pơrjum dờng màng bè kă bro mờ bơcri pria\ mpồl ASEAN geh mut lơh drim ngai 13/11 tàm Hà Nội. Do là broă lơh kềng bơdìh pơrjum dờng màng mpồl ASEAN dơ\ 37 jat broă lơh pờ tơlik tơn tàm internet gam geh bơyai lơh tàm Hà Nội.

Đơs tàm dơ\ mut pơrjum, Thủ tướng đơs là, Mpồl ASEAN kung bè ală lơgar tàm dunia kong gơ rềng kơn jơ\ ngan bơh kòp Covid-19. Mơya, tàm bơta kal ke, mpồl ASEAN kung gam lơh àng gơ crà bơta brồ guh is, lơh ngan lơh bal mờ nùs nhơm “Tam klac mờ rơcang lài gơ rờm bal”. ASEAN neh gơ gơs là mpồl lơh sa ngac ngar, bơceh pa bal mờ rlau 630 tơlak nă làng bol mờ kờp jơh GDP là rlau 3 rbô 100 tơmàn dolar Mỹ tàm nam 2019, ndrờm mờ rài lơh sa dờng dơ\ 5 dunia.

Việt Nam hơ pơrgon lơh broă bal mờ ală lơgar geh jơng tàm mpồl ASEAN mờ ală lơgar lơh broă bal bơh ASEAN dê nàng pơn jat tai geh ală broă lơh dong kờl ngan ngồn ai mpồl lơh sa kă bro tàm tiah do in bơtàu tơnguh kơ\ kơljap mờ gơ lòm jơh.

Cau mblàng K’Duẩn