VOV4.K’ho- Jat jơnau dan bơh Tập đoàn nhơm zờu Exxon Mobil (lơgar Mỹ) kơ\p kờ` tu\ tơngai nàng geh gờ` kơrnoat bơcri priă tàm lơgar Việt Nam, Thủ tướng Nguyễn Xuân Phúc neh geh dơ\ cribơyai tàm điện thoại mờ ồng Irtiza Sayyed, Chủ tịch gùt plai ù Tập đoàn Exxon Mobil.

Thủ tướng đơs nền lơh broă bal mờ Exxon Mobil là kuơ màng ngan, tă pơgồp tàm lơh broă bal đah Việt Nam mờ Mỹ, ngan là nam do tơngkah kir sơn rai 25 nam crơng gơs g^t gơ\p lơh broă bal đah 2 lơgar dê. Chính phủ jờng rơ Exxon Mobil kơ\p kờ` bơcri priă tàm ală anih ơ hò ơm tàm dà lềng, anih prap nhơm LNG mờ ală hìu ma\y lơh gơlik ồs đèng bơh LNG mờ công nghệ pa ngan rlau jơh tàm Hải Phòng. Mờ bơta pràn bơh rơndap broă lơh gơlik ồs đèng bơh LNG gơguh tus 4.000 MW, di gơlan geh ai ngui tàm tơngai bơh nam 2025-2030 geh bơta tă pơgồp dờng ngan ai bơta bơtàu tơnguh in ờ mìng tàm Hải Phòng lơm gời mờ gam ai jơh bal ală tiah lơh sa tờm kuơ màng đah Tô dà lơgar dê.

Ồng Irtiza Sayyed đơs Việt Nam neh sền gròi jai kòp Covid-19 mờ ală broă lơh geh cồng nha, geh dunia đơs niam ngan. Cồng nha do neh lơh geh dùl tiah bơcri priă ờ do ờ dă mờ pin dờn ai broă bơcri priă mờ kă bro dunia tàm Việt Nam in.

Cau mblàng K’ Hạnh