VOV4.K’ho- Mho ngai 20/7 tàm [òn dờng Hồ Chí Minh, ồng Nguyễn Xuân Phúc Thủ tướng Chính phủ đơng lam bal mờ kuang bàng đơng lam bồ bàr pe Bộ, gah sơnah lơh broă dà lơgar lơh broă mờ kuang bàng đơng lam tờm [òn dờng Hồ Chí Minh, iăt kuang đơng lam bồ [òn dờng Hồ Chí Minh yal bè broă lơh jăt ală rơndăp broă lơh bơcri priă dà lơgar mờ ală bơnah priă bơcri ndai, tàm hơ\ geh bàr pe rơndăp broă lơh tờm kuơmàng.

Jăt jơnau yal bơh Ủy ban Nhân dân [òn dờng Hồ Chí Minh dê, nam do, khà priă bơcri dà lơgar [òn dờng Hồ Chí Minh dê geh jàu là mờr 41 rbô 700 tơmàn đong. Kờp tus gùl nhai 7 do, [òn dờng Hồ Chí Minh ai geh mờr 19 rbô tơmàn đong, ndrờm mờ pơgăp 45% broă rơndăp lơh nam, jơnhoa rlau pơndrờm bal dùl tu\ mờ nam lài. {òn dờng lơh ngan tus nhai 10 tus geh ai geh 80% broă rơndăp lơh priă, tus jơh nam geh ai 95% khà priă.

Thủ tướng jờng rơ [òn dờng lơh ngan jơh nùs lơh gơs broă ai jơh ală priă bơcri dà lơgar tàm nam do, jờng rơ ngan ală broă lơh hòi jà cau ngui sa tàm lơgar, tă bơsong lơh sa kă bro mờ dong kờl ală cau tìp kal ke. Thủ tướng đơs wih đơs wơl, là Đảng, Dà lơgar mờ làng bol ơn bơta pin dờn tàm [òn dờng Hồ Chí Minh; sồr kuang bàng đơng lam bồ [òn dờng Hồ Chí Minh pal lơh jơh nùs rlau; Thủ tướng kung yal bàr pe gùng dà broă lơh loh làng nàng [òn dờng Hồ Chí Minh in gơguh lơh sa uă rlau bơh tu\ do tus lồi nam.

Cau mblàng Lơ Mu K’Yến