VOV4.K’ho - Ngai òr (16/10), Bộ Ngoại giao neh tơl^k jơnau yal pà g^t, dờp jơnau jà bơh Thủ tướng Chính phủ ồng Nguyễn Xuân Phúc bal mờ pơ-ùr, Thủ tướng lơgar Nhờk ồng Suga Yoshihide bal mờ pơ-ùr geh còp mùl màl lơgar Việt Nam bơh ngai 18 tus ngai 20 nhai 10.

Do là dơ\ tus còp lơgar bơdìh sơnrờp ngan bơh Thủ tướng lơgar Nhờk ồng Suga Yoshihide dê, geh bơyai lơh dùl nhai tơnơ\ mờ tu\ dờp guh at gơnoar broă mờ là dơ\ bàr pơn jăt tơn dùl Thủ tướng pa lơgar Nhờk rơwah lơgar Việt Nam là lơgar tus còp sơnrờp ngan tơnơ\ mờ tu\ dờp guh at gơnoar broă.

Di gơlan tàm tơngai còp lơgar Việt Nam, Thủ tướng lơgar Nhờk ồng Suga Yoshihide geh dơ\ cri bơyai mờ Thủ tướng Chính phủ ồng Nguyễn Xuân Phúc, tìp mờ kuang bàng đơng lam dờng màng lơgar Việt Nam mờ geh ờ uă broă lơh ndai.

Dơ\ tus còp geh bơyai lơh tàm bơta broă lơh bal geh cồng nha uă bơh lơgar Việt Nam mờ lơgar Nhờk gam pơn jăt tai tơnguh bơtàu niam bơne\. Lơgar Nhờk pơn jăt tai là lơgar geh broă lơh sa kuơ màng lài ngan lơgar Việt Nam dê, mờ là lơgar ai priă dong kờl ODA uă ngan, mpồl lơh sa kă bro bơcri priă uă dơ\ bàr mờ là lơgar geh broă lơh sa kă bro dờng dơ\ poan tàm lơgar Việt Nam.

Cau mblàng Ndong Brawl