VOV4.K’ho – Dờp jơnau jà bơh Thủ tướng Chính Phủ Việt Nam, ồng Nguyễn Xuân Phúc dê, ồng Binali Yildirim, Thủ tướng lơgar Thổ Nhĩ Kỳ còp ngan ngồn lơgar Việt Nam. Drim òr 23/8, tơnơ\ dơ\ bơyai lơh wa\ rò dờng ngan tàm Hìu duh broă Chủ tịch lơgar, bàr nă Thủ tướng lam bồ mpồl kuang bàng dờng màng Chính phủ 2 lơgar dê mu\t pơrjum.

Tơnơ\ dơ\ pơrjum cribơyai tơn, bàr nă Thủ tướng tus bal dơ\ bơyai lơh ki\ hơ ală sră nggal lơh broă bal đah 2 lơgar bè atbồ tiah khat gơboh is, tiah lơh gơlik phan tăc mờ lơgar ndai, tiah lơh sa, tiah lơh sa dờng màng, hải quan mờ đo was bơta niam. Bàr nă Thủ tướng đơs ngan, kờp bơh tu\ 2 lơgar geh bơta gi\t gơ\p lơh broă bal tàm nam 1978, gi\t gơ\p lơh broă bal đah Việt Nam mờ Thổ Nhĩ Kỳ ngai sơlơ bơtàu tơnguh niam bơne\.

Dơ\ lòt còp lơgar Việt Nam bơh ồng Binali Yildirim, Thủ tướng lơgar Thổ Nhĩ Kỳ dê dơ\ do là nàng kờ` chul chồl gi\t gơ\p 2 gah, ngan là tàm ală broă kă bro, bơcri priă, khoa học- công nghệ, gùng lòt pơndiang phan...

Cau cih mờ yal tơngi\t-Lơ Mu K’ Yến