VOV4.K’ho- Tàm hìu lơh broă Chính phủ, Thủ tướng Nguyễn Xuân Phúc đơng lam bal mờ kuang đơng lam bồ  2,3 Bộ, gah sơnah lơh broă dà lơgar lơh broă tơn tàm internet mờ kuang đơng lam bồ tờm càr Bình Thuận dê.

Thủ tướng jờng rơ Bình Thuận gàr niam broă ai 100% priă bơcri dà lơgar tàm nam do, đơs nền do là bơta lơh ngan dờng ngan bơh càr do dê mờ ală tiah ndai pal bơsram lơh jat bal.Bè 2,3 kơnòl broă tàm tơngai tus, lài ngan Thủ tướng sồr Bình Thuân rcang sơn dră mờ trồ prang dờng soat dà, gàr tơl dà hùc ai làng bol in, sền gàr phan tam, chi sa plai, tài bơh do là tu\ tơngai gam trồ prang dờng soat dà.

Pal pơn jat tai lơh niam broă rơndap ù tiah, atbồ rơndap ù tiah nàng ờ gơtìp tàm rơndap tàm rơndồl mờ pơhì pơhà. Càr pal tơr gùm broă lơh kuơ màng do, [a` lời bơta tàm gơ jra`, lơh hoàc huơr bal mờ gơ\p tàm tơngai tus, ngan là bơta tàm gơ jra` đah phan kuơ tàm ù mờ nhơl chờ dê.

Bal mờ hơ\, càr pal tơr gùm rcang lơh dơ\ pơrjum dờng Đảng bộ càr dê mơya kung tơr gùm bal lơh jat niam ală Nghị quyết bơh Đảng, Quốc hội mờ Chính phủ dê; kờp sền wơl ală broă jàu, kơnòl broă tàm tơngai lơh broă bơh nam 2015 -2020, lơh ngan pơn đơl pràn nàng lơh gơs ală kơnòl broă tàm tu\ tơngai kal ke, tă pơgồp bơt bơtàu dà lơgar.

Cau mblàng K’ Hạnh