VOV4.K’ho –  Tàm càr Bắc Ninh, Thủ tướng Nguyễn Xuân Phúc lơh broă mờ kuang đơng lam bồ tờm ngan bơh càr dê. Đơs tàm dơ\ lơh broă, Thủ tướng Nguyễn Xuân Phúc đơs, Bắc Ninh neh geh bơta tam gơl dờng ngan tàm tơngai pa do. Là dùl càr geh bă ù dềt ngan rlau jơh gùt lơgar, tàm 20 nam do, càr neh tam gơl bơh dùl càr lơh sa suơn sre gơs lơh sa công nghiệp.

Tàm bơta kal ke bơh nam do dê tài bơh kòp dờng Covid-19, Thủ tướng đơs niam càr Bắc Ninh lơh ngan lơh gơs ală khà neh ai tơlik. Do là bơta kuơmàng ngan, tài Bắc Ninh là càr ai geh pria\ dia ua\ ngan, là dùl tàm ală càr tă pơ gồp ua\ ai kes pria\ dà lơgar in. Tơnguh ală cồng nha lơh geh, Thủ tướng sồr Đảng bộ, gơnoar atbồ mờ làng bol càr Bắc Ninh pơn jat tai geh ală cồng nha niam rlau tai tàm bơtàu tơnguh lơh sa mpồl bơtìan, dipal mờ ù tiah geh đơs là Kinh Bắc ngac ngar, niam chài mờ bềng niam chài bơh jo\.

Cau mblàng K’Duẩn