VOV4K’ho – Di tơngkah 94 nam Ngai sră [a\u kac màng Việt Nam (21/6/1925-21/6/2019), Thủ tướng Nguyễn Xuân Phúc lơh broă mờ Ban Thường vụ Mpồl cau lơh [a\u Việt Nam. Ală nam do, geh bơta sền gròi, đơng lam bồ mờ đơng pơlam bơh Đảng mờ Dà lơgar dê, broă lơh bơh ală kấp Mpồl cau lơh [a\u Việt Nam dê bơh Dà lơgar tus kấp hơ đơm neh ngai sơlơ tam gơl pa bè tơngume mờ broă lơh, hời rơ hời đơs tờm gơ noar broă, bơngă bơh Mpồl cau lơh [a\u Việt Nam dê tàm mpồl lơh broă chính trị mờ rài kis mpồl bơtiàn, pơgồp bơnah uă ngan mờ geh cồng nha tàm broă lơh bơt bơtàu, tam gơl pa mờ bơtàu tơnguh dà lơgar dê.

                                    Thủ tướng Nguyễn Xuân Phúc lơh broă mờ Mpồl cau lơh báo

Thủ tướng đơs tờm, ală cồng nha, bơta jai pha tàm tơl gah bơh dà lơgar dê tàm tơngai lài, geh bơta tă pơgồp jơh nùs, kuơ màng ngan bơh sră [a\u dê, lam lài tàm broă lơh rơcang sơndră broă ờ niam, sa kuề sa kùa, hoàc huơr tàm lơgar he. Thủ tướng đơs là, sră [a\u mờ mblàng jơnau đơs bal pal lơh gơs bơta ring bal, bơta pin dờn uă rlau tai bơh mpồl bơtìan dê tàm Đảng. Ală krơh niam, cau niam, broă niam, srơh mpồl bơtìan niam, uă mpồl bal niam pal uă rlau tai tàm jơh ală bơta sră [a\u. Thủ tướng đơs tờm, Dà lơgar sùm lơh gơlik cơ chế ai sră [a\u in bơtàu tơnguh.

Cau mblàng K’Duẩn