VOV4.K’ho – Drim ngai 23/9, tàm càr Tiền Giang, Thủ tướng Nguyễn Xuân Phúc neh lòt sền broă lơh tam gơl broă lơh sa suơn sre tàm xã Hiệp Đức, kơnhòal Cai Lậy, càr Tiền Giang, là tiah tờm tam chi sa plai bơh gùt lơgar dê. Tam pà mờ làng bol bè kal ke, bơta lòng tài gơ rềng bơh tam gơl trồ tiah, Thủ tướng đơs “Đảng, dà lơgar git loh bơta do, pơyua jơnau lùp còp, pơn jờng làng bol lơh ngan sơr lèt gan kal ke”.

Cih dờp jơnau đơs bơh làng bol dê, Thủ tướng đơs là, pal geh broă kơ lôi sơ nơng kấp dà lơgar bè broă kơryan dà hang mut jrô. Tàm tu\ tơngai mờr tus, bơta dà hang mut aniai digơlan gam kơn jơ\ rlau den broă prap dà sàng kung kươmàng ngan. Thủ tướng jàu Bộ Nông nghiệp mờ Phát triển Nông thôn bal mờ ală anih lơh broă geh gơ rềng kơ lôi sơ nơng broă lơh dong kờl ală tiah gơtìp aniai tài bơh trồ tiah lơh aniai, dà hang mut aniai.

Mho ngai 23/9, Thủ tướng Nguyễn Xuân Phúc lơh broă mờ 13 càr tiah ring dà dờng Cửu Long bè rơcang lài sơndră mờ jơnau pơhìn trồ prang dờng soat dà, dà hang mut aniai kàl prang nam 2020 – 2021.

Cau mblàng K’Duẩn