VOV4.K’ho- Tàm tiah tờm pơrjum dunia, hìu sồ 11 gùng lê Hồng Phong, [òn dờng Hà Nội, Thủ tướng Nguyễn Xuân Phúc mho ngai 11/11 neh lòt sền broă rơcang lài ai dơ\ pơrjum dờng màng ASEAN dơ\ 37 mờ ală pơrjum geh gơ rềng. Tàm tu\ tơngai kòp Covid-19 gơlik geh kal ke, pơrjum dơ\ do kung geh bơyai lơh pờ tơlik tơn tàm internet mờ bơta tus bal bơh kuang đơng lam bồ 10 lơgar tàm mpồl ASEAN mờ kuang đơng lam bồ ală lơgar lơh broă bal kươmàng bè Nhờk, Hàn Quốc… bơh anih sơ`io rùp tơn tàm tơl lơgar.

Thủ tướng sồr broă rơcang lài pal wil tơl ngan rlau jơh, gàr niam dơ\ pơrjum bơyai lơh geh cồng nha, bơh hơ\ pơgồp bơnah đơs nền gơ noar broă Nam Chủ tịch ASEAN bơh lơgar Việt Nam dê, lời wơl tềl kah niam tàm tiah do mờ ală lơgar rềp bal. Pơrjum dờng màng ASEAN dơ\ 37 mờ ală pơrjum dờng màng geh gơ rềng là ală pơrjum dờng màng bơh nam do dê, dùl tàm ală broă lơh kuơmàng ngan rlau jơh tàm tơngai lơh Chủ tịch ASEAN. Tàm dơ\ tơn jơh pơrjum, Việt Nam geh jàu gơ noar broă Chủ tịch ASEAN ai lơgar Brunei in.

Cau mblàng K’Duẩn