VOV4.K’ho- Di dơ\ sa tềp bơhìan dà lơgar nam Tân Sửu, mho ngai 07/02, ồng Nguyễn Xuân Phúc Thủ tướng Chính phủ neh lòt còp, lòt sền broă rcang lài tam lơh, gờm chờ sa tềp Kuang bàng, cau ling Cục Kảnh sát hình sự, Cục sền gàr bơta lơngap lơngai tàm dơlam is dà lơgar, Bộ Tư lệnh cảnh vệ gơ wèt Bộ Kuang àng. Mut tàm nam pa 2021, nam sơn rờp lam lơh Nghị quyết Pơrjum dờng dơ\ 13 bơh Đảng dê, Thủ tướng đơs nền, nàng bơyai lơh lam lơh niam Nghị quyết den rài kis lơngap lơngai, ờ do ờ dă ai làng bol in là kuơ màng ngan rlau jơh. Den tàng, mpồl Kảnh sát hình sự kờ` pal rcang ngăc ua\ rlau tai kung gam geh sơl ală mpồl cau lơh tìs glài tàm 2, 3 tiah de. Tàm khat dùl bơta gơlik geh lơi kung pal gàr kơ\ bơta lơngap lơngai dà lơgar, rơndap tap sèng, ờ do ờ dă mpồl bơtìan, lơh geh tiah ơm kis ring lơngai, kơ\ kơl jap, geh tơl bơta bươn nàng bơtàu tơnguh dà lơgar.

Thủ tướng Nguyễn Xuân Phúc mờ kuang bàng Bộ Tư lệnh Cảnh vệ

Lòt sền  broă lơh jat kơ nòl broă mờ gờm chờ sa tềp Kuang bàng, cau ling Cục Sền gàr bơta lơngap lơngai tàm dơlam is dà lơgar dê, Thủ tướng đơs niam ngan Cục lơh niam ngan broă cribơyai bal mờ Đảng, Dà lơgar, Bộ Kuang àng bè bơt bơtàu gơ noar atbồ, adat boh lam, broă lơh bè broă sền gàr lơngap lơngai, bơh hơ\, ai ngui ua\ sră nggal gùng dà broă lơh cèng bơta kuơ màng jo\ jòng đơng lam broă sền gàr lơngap lơngai jơi bơtìan, gah jat yàng, bơta lơngap lơngai ală tiah kuơ màng in.

Cau mblàng K’ Hạnh