VOV4.K’ho -  Mho òr (2/12), tàm Hà Nội,  Thủ tướng Nguyễn Xuân Phúc neh tus lơh broa\ mờ Hìu prap phan kuơ yau cau ùr Việt Nam, anih geh pơ gồp tơngguh git wa\  làng bol dê bè rài dà lơgar, phan bơnalời wơl chài rgơi  cau ùr Việt Nam dê kung bè  pơ gồp bal chul chồl drờm bal cau ùr, cau klau. Ồng Nguyễn Xuân Phúc đơs tờm bơnga\ bơh cau ùr kuơ màng ngan tus mờ tơl hìu nha\ Việt Nam kung bè mờ bơta bơtàu tơngguh bơh dà lơgar tàm rài yau kung bè tu\ do. Tu\ do,  tàm dùl mpồl bơtìan pa ngan, den bơnga\ cau ùr slơ ngai slơ kuơ màng rlau. Di tàm tu\ do, ồng Nguyễn Xuân Phúc neh sồr Hìu prap phan kuơ yau cau ùr Việt Nam  pơnjat tai tam gơl pa tơnggu me, khà   niam broa\ ràng tơlik mờ  cèng geh ala\ bơta  git ngan kuơ màng tus cau sền  tàm lơgar mờ lơgar cau.

                   Cau cih mờ yal tơnggit K’ Brọp