VOV4.K’ho – Mho òr 22/1, Thủ tướng Nguyễn Xuân Phúc neh lòt còp mờ lơh broă mờ Gah đơng lam Quân khu 5, tus còp ies mờ chu `àng tàm Hìu lời kir sơnrai Mè Việt Nam khin cha jak chài Nguyễn Thị Thứ tàm xã Điện Thắng Trung, thị xã Điện Bàn, càr Quảng Nam; còp mờ pà phan ală mè Việt Nam khin cha jak chài, hìu bơnhă chính sách tàm tiah do in. Tàm dơ\ lơh broă mờ Gah đơng lam Quân khu 5, ồng Nguyễn Xuân Phúc jờng rơ mờ đơs niam ngan kơnòl broă sền gàr dà lơgar mờ cồng nha lơh geh tơl làm mờ mpồl phàu crong Quân khu 5 neh lơh geh tàm nam lài. Ồng Nguyễn Xuân Phúc sồr Đảng ủy mờ Gah đơng lam Quân khu 5 pơn jat tai ngui niam bơta pràn tơrgùm bal bơh jơh gùt làng bol dê, bơh jơh ală anih lơh broă chính trị dê, sơlơ tơnguh tai bơta pràn jak sền gàr dà lơgar mờ bơta tơl pràn rơcang sơndră lài; bơ\t bơtàu rài sền gàr dà lơgar jơh gùt làng bol gơ jat bal mờ mpồl làng bol sền gàr lơngăp lơngai kơ\ kơl jăp. Di tàm dơ\ sa tềp Đinh Dậu, ồng Nguyễn Xuân Phúc pơyua jơnau nting săp sa tềp jơh ală mpồl ling klàng Quân khu 5 dùl nam pa lơngăp lơngai, chờ hờp mờ bơtàu tơnguh, lơh broă lơh geh cồng nha uă rlau tai dipal mờ bơhiàn khin cha jak chài pơnrơ ngan bơh Quân khu 5 dê.

Cau cih mờ yal tơngi\t- Lơ Mu K’ Yến