VOV4.K’ho- Kung gơ ơm tàm dơ\ tus bal Pơrjum kuang bàng dờng màng G20 mờ còp lơgar Nhờk, ngai òr (01/7), tàm Hìu lơh broă Thủ tướng Nhờk, Thủ tướng Chính phủ ồng Nguyễn Xuân Phúc neh tìp mat mờ Thủ tướng lơgar Nhờk ồng Shinzo Abe.

Bàr nă Thủ tướng ring bal pơn jat tai tơnguh bơta pin dờn bơh broă gàr niam ală dơ\ lòt còp mờ tìp mat kuang bàng dờng màng. Bàr gah tơngo\ bơta chờ hờp  tềng đap ală broă lơh bơtàu tơnguh ngan ngồn bơh bơta g^t gơ\p đah 2 lơgar dê, tơngo\ bơh broă 2 gah pa ki\ dùl ròt ală sră nggal lơh broă bal tàm ală gah bè: sơnơm tơm [a, bơto bơtê, bơtàu tơnguh mpồl cau lơh broă jak chài, priă jền lài mờ tu\  Pơrjum cribơyai Kuang bàng dờng màng Việt Nam mờ Nhờk tơn.

Bàr nă Thủ tướng ring bal pơn jat tai tơnguh bơta pin dờn chính trị bơh broă gàr niam ală dơ\ còp mờ tìp mat kuang bàng dờng màng, Thủ tướng Nguyễn Xuân Phúc jà Thủ tướng lơgar Nhờk ồng Shinzo Abe còp lơgar Việt Nam, tus bal Pơrjum kuang bàng dờng màng ASEAN tàm nam Việt Nam là Chủ tịch ASEAN 2020; mờ Thủ tướng Shinzo Abe chờ hờp dờp jơnau jà. 2 gah ring bal pơn jat tai tơnguh lơh broă bal bè sền gàr dà lơgar, lơngap lơngai, tàm hơ\ geh lơh broă bal tàm tơngume ADMM+.

Tàm càr lơgar Tokyo, lơgar Nhờk, Thủ tướng ồng Nguyễn Xuân Phúc neh đơng lam cri bơyai mờ ală anih lơh sa kă bro dờng lơgar Nhờk.

Đơs tàm dơ\ cri bơyai, Thủ tướng ồng Nguyễn Xuân Phúc neh yal bè tiah bơcri priă kă bro [uơn lơgar Việt Nam dê, Thủ tướng đơs tòm tus mờ Hiệp định kă bro khăt gơboh bơh lơgar Việt Nam mờ mpồl tam klăc châu Âu (EU) pa geh k^ tàm ngai 30 nhai 6 mờ Hiệp định lơh broă bal tơl ală bơta mờ gơguh jăk gan dà lềng Thái Bình Dương (CPTPP) mờ lơgar Việt Nam bal mờ lơgar Nhờk ndrờm geh lơh bal.

Ală anih lơh sa kă bro lơgar Nhờk neh geh jơnau pơgồp bal ờ uă broă tàm gah lơh sa mờ măi mo\k dong kờl, tơnguh bơtàu năng lượng ồs đèng sền gàr tiah kis, tơnguh bơtàu broă lơh anih ơhò ơm dà lềng mờ gùng lòt tơrbo\ bal, broă tă dia, hải quan, broă cổ phần anih lơh sa kă bro Dà lơgar, broă lơh tai tơngai bơh cau lơh broă…

Cau mblàng K’ Hạnh