VOV4.K’ho - Mho òr (17/8), tơnơ\ mờ dơ\ wă rò Thủ tướng Nguyễn Xuân Phúc bal mờ pơ-ùr tàm hìu lơh broă Chính phủ, Thủ tướng lơgar Thái Lan ồng Chan-o Cha bal mờ ồng Nguyễn Xuân Phúc neh bơyai lơh pơrjum cri bơyai.

                                               Bàr Thủ tuớng sền dơ\ k^ sră hơ bal

2 gah đơs tòm broă lơh ngan ai khà kă bro bal bơh 2 lơgar geh 20 tơmàn đôlar Mỹ lài mờ nam 2020; dong kờl bal gơs anih tòm hòi jà bơcri priă kă bro tàm tiah do dê; ring bal ai tơl bơta niam phan kă bro tơl lơgar geh tìp mờ drà kă bro bal; chồk pràn broă lơh bal bè phe.

                                                   Bàr Thủ tướng cri bơyai bal

Ồng Chan-o Cha đơs tòm geh lam sồr ală anih lơh sa kă bro lơgar Thái Lan tơnguh bơcri priă tàm ală gah geh kuơ tus mờ broă tơnguh bơtàu lơgar Việt Nam dê bè sền gàr bơta lơngăp lơngai dà lơgar, nhơl chờ, lơh sa mờ măy mo\k dong kờl, priă jền, ngân hàng, khoa học công nghệ, lơh sa suơn sre, phan tàm dà.

                         Bàr Thủ tướng ku\p rùp bal mờ ală kuang bàng đơng lam ală Bộ, gah lơh broă

2 Thủ tướng kung geh ring bal uă tàm broă ai tơl^k ală broă chồl pràn ală gah lơh broă bal ndai bè lơh broă, kă bro lơh sa suơn sre, nhơl chờ, khoa học kỹ thuật, bơta chài rơgơi mờ tìp bal làng bol.

Di tàm dơ\ do 2 Thủ tướng neh sền dơ\ k^ hơ bal uă sră nggal lơh broă bal kuơ màng bơh ală Bộ, Gah lơh broă bơh 2 lơgar dê.

Cau cih mờ yal tơng^t Ndong Brawl