VOV4.K’ho- Drim òr 25/04, tơnơ\ dơ\ bơyai lơh wa\ rò ngan ngồn tàm lơgar Campuchia, Thủ tướng lơgar Campuchia, ồng Samdech Techo Hun Sen mờ Thủ tướng Việt Nam, ồng Nguyễn Xuân Phúc neh mu\t cribơyai. Bàr nă Thủ tướng dùl nùs bal pơn jat tai chul chồl ală broă lơh kă bro, drơng broă ala mờ lơh broă bal đah ală tiah; pơn jat tai lơh broă wah ù tiah mờ sơn tăp jrong nhàr lơgar tàm ù gờl đah bàr lơgar, bơ\t bơtàu gùng nhàr lơgar đah 2 lơgar ring lơngai, kơ\ kơl jăp, tam klac bal mờ bơtàu tơnguh sùm. Bàr gah dùl nùs bal pơn jat tai lơh broă bal niam tàm broă lơngăp lơngai, sền gàr dà lơgar mờ đơs ngan tai jơnau pal jat ờ ai gơnoar khat dùl mpồl cau gơjra` kơuềng lơi in ngui ù tiah bơh lơgar do dê lơh aniai tus bơta lơngăp lơngai bơh lơgar ne dê. Bàr nă Thủ tướng dùl nùs bal sơlơ lơh broă bal kơryan ală broă lơh sò tơm iơh bơsak, cau lơh tìs dunia, kă bro phan mờ lơgar ndai tìs mờ adat boh lam, ma tuý, kă bro cau…mờ pơn jat tai lơh broă bal niam tàm broă lơh jòi rồ mờ jun rê hờ lơgar tờm ală [ồc ntìng ling dong kờl is lơgar Việt Nam dê chơ\t phi să tàm lơgar Campuchia tàm ală rài tam lơh...

Cau cih mờ yal tơngi\t- Lơ Mu K’ Yến