VOV4.K’ho –  Thủ tướng Chính phủ, ồng Nguyễn Xuân Phúc neh geh dơ\ cribơyai tàm điện thoại mờ Kuang atbồ lơgar Philippines, ồng Rodrigo Duterte nàng cribơyai bè lơh broă bal đah 2 lơgar mờ tàm ală lơgar rềp bal tàm tơngai gơbàn kòp Covid-19. 2 nă kuang đơng lam bồ ring bal pơn jat tai sơlơ tơnguh broă pơ gồp bal, tàm dong kờl bal mờ gơp tàm ală dơ\ pơrjum ua\ lơgar.

Ồng Duterte đơs nền, pơn jat tai lơh broă bal jơh nùs mờ dong Việt Nam lơh geh cồng nha gơnoar broă Chủ tịch ASEAN nam 2020 mờ Ủy viên ờ lơh broă sùm Hội đồng Bảo an Liên hợp quốc, tơngai lơh broă bơh nam 2020 tus nam 2021. 2 nă kuang đơng lam bồ đơs nền bơta kươmàng bơh broă pơn jat tai sơlơ tam klac, gàr sùm nùs nhơm bal bơh ASEAN dê bè broă tàm dà lềng đah mat tơngai lik, jơh nùs chồl pràn cribơyai nàng lơh geh ală kơrnuat pal jat tàm dà lềng đah mat tơngai lik (COC) geh bơta niam ua\, di mờ adat boh lam dunia, tàm hơ\ geh Công ước Liên hợp quốc bè Adat dà lềng (UNCLOS) nam 1982, pơgồp bơnah gàr sùm ring lơngai, kơ\ kơljap mờ lơngap lơngai tàm tiah do.

Cau mblàng K’Duẩn