VOV4.K’ho- Mho ngai 4/8, Thủ tướng Nguyễn Xuân Phúc mờ Thủ tướng lơgar Nhờk ồng Shinzo Abe neh geh dơ\ cribơyai tàm điện thoại bơyai bè ală gùng dà broă lơh tơnguh g^t gơ\p đah 2 lơgar kung bè lơh broă bal tàm ală dơ\ pơrjum dunia mờ tàm tiah do dê.

Thủ tướng Nguyễn Xuân Phúc mờ Thủ tướng Shinzo Abe tam pà bal bơta mờng chài bơh 2 lơgar dê bè broă lơh rcang sơn dră kòp Covid-19, tàm hơ\, Việt Nam gam pơn jat tai lam lơh ală gùng dà broă lơh pràn kơl dang mờ hời rơ hời sền gròi kòp jai. 2 nă Thủ tướng kung ring bal pơn jat tai lơh broă niam tàm broă lam lơh rơndap broă lơh Đại học Việt Nam mờ Nhờk, pơgồp bal tơnguh lơh broă bal, bơcri priă tàm tiah do. 2 nă Thủ tướng ring bal pơn jat tai lơh broă bal niam nàng tơnguh lơh broă bal tàm tơngume Mekong- Nhờk; mơ kung đơs nền wơl tai nùs nhơm bè sền gàr bơta lơngap lơngai, ờ do ờ dă, khat gơ boh gùng dà lềng mờ gùng rơndeh par tàm dà lềng tiah đah mat tơngai lik, ală gah geh gơ rềng ndrờm pal lơh jat adat boh lam dunia dê, tàm hơ\ công ước Liên hợp quốc bè Adat Dà lềng.

Thủ tướng Nguyễn Xuân Phúc đơs nền geh pơgồp bal niam tơnguh lơh jat jơnau bơceh lơh bơh lơgar Nhờk dê bè crơng gơs Anih tờm mpồl ASEAN dê rcang sơn dră kòp pa geh mờ ală broă lơh sơnơm jal mhar.

Cau mblàng K’ Hạnh