VOV4.K’ho – Drim òr 30/8, tàm Hìu duh broă Chính phủ dê, Thủ tướng Nguyễn Xuân Phúc đơng lam dơ\ pơrjum Chính phủ ờs mờng nhai 8 mờ 8 nhai nam 2017 dê. Jat jơnau đơs bơh Thủ tướng dê, ală broă lơh sa dờng lơh geh cồng nha niam ngan. Gơmù khà priă geh sền gròi. Tăc phan mờ lơgar ndai gơguh pràn dong blơi phan mờ lơgar ndai tàm 8 nhai nam do ngai sơlơ gơmù. Priă bơcri tơn lơgar ndai gơguh pràn, kờp du\ geh rlau 23 tơmàn dolar Mỹ.

Kờp bal 8 nhai do, khà mpồl lơh sa kă bro crơng gơs pa mờ tus wơl lơh broă là rlau 104 rbô mpồl lơh sa kă bro. Thủ tướng sồr ală Bộ, gah sơnah lơh broă mờ ală tiah tàm nhai 9 do tơn pal tơrgùm bơsong ală bơta gam ờ hềt lơh niam bè sră nggal.

Bè ală bơta mpồl bơtiàn, Thủ tướng đơs là, kờ` pal sền gròi bè broă nam bơsram pa, ngan là tiah sar lơgar ngài, tiah dà ko\ dà cò; bơta tiah ơm kis; ờdo ờdă mpồl bơtiàn; bơta kòp pluh- kòp sốt xuất huyết. Uă dơ\ broă bè lùp sền mơya ờ hềt gơtùi đơs pơndu\t den tàng ală anih lơh broă geh jàu pal lòt sền, kờp sền wơl nàng geh jơnau đơs pơndu\t lài mờ dơ\ pơrjum Quốc hội mờr tus geh lơh tàm nhai 10 tus do.

Cau cih mờ yal tơngi\t-Lơ Mu K’ Yến