VOV4.K’ho – Drim òr 6/2, tàm [òn dờng Cà Mau, càr Cà Mau, Thủ tướng Nguyễn Xuân Phúc đơng lam Pơrjum bơtàu tơnguh gah lơh ka ti Việt Nam. Thủ tướng sồr, lài mờ nam 2025, Cà Mau pal lơh geh 10 tơmàn dolar Mỹ bơh tăc ka ti mờ lơgar ndai, gơ gơs là gah lơh broă pràn tàm lơh broă sa sươn sre lơgar Việt Nam dê. Thủ tướng đơs tờm: jơnau nàng bơtàu tơnguh gah lơh ka ti bơh Việt Nam dê là ngui jơh ală bơta pràn bơh dơ\ tam gơl bơta yau tus bơta pa kông nghiệp dơ\ 4, ngui kông nghệ sinh học, măy mok lơh is, điện toán mhual drơng ròng mờ lơh gơlik phan. Thủ tướng sồr kuang bàng đơng lam ală bộ, gah sơnah lơh broă dà lơgar, càr, [òn dờng mờ ală mpồl lơh sa kă bro cribơyai ngan ngồn, tă pơgồp ală broă lơh bơsong, dan geh ală kơ cê, chính sách nàng jòi gùng dà ai gah lơh ka ti Việt Nam in geh broă lơh bơtàu tơnguh mhar rlau. Chính phủ geh bơsong tơn nàng chul chồl gah lơh sa geh bơta pràn dờng bơh Việt Nam dê tềng đap dunia là ròng, mờ lơh gơs phan tăc mờ lơgar ndai ka ti.

Cau cih mờ yal tơngi\t- Lơ Mu K’ Yến