VOV4.K’ho-Mho ngai 22/6, tàm hìu lơh broă Chính phủ, Thủ tướng Nguyễn Xuân Phúc đơng lam pơrjum Thường trực Chính phủ bè broă bơtàu tơnguh ală rơndap broă lơh ồs đèng, tàm hơ\, geh ală rơndap broă lơh ồs đèng nhơm, nàng gàr niam bơta lơngap lơngai năng lượng đèng dà lơgar in.

Jat jơnau yal bơh Bộ Công thương dê tàm dơ\ pơrjum, bơh tu\ do tus nam 2025 lơgar he kung gam kal ke bè ồs đèng tài bơh ală rơndap broă lơh ồs đèng lơyài tu\ tơngai mut lơh, ngan là ală rơndap broă lơh nhiệt điện. Den tàng, dilah tàm tơngai tus ờ geh broă lơh pa, niam mờ khoa học den geh ờ geh cồng nha rơndap tap sèng bơtàu tơnguh ồs đèng lơgar he dê.

Thủ tướng sồr Bộ Công thương, lơh jat Nghị quyết bơh Bộ Chính trị dê bè pơlam gùng dà broă lơh kuơ màng bơtàu tơnguh ồs đèng dà lơgar Việt Nam dê tus nam 2030, sền sơ nơng tus nam 2045. Tàm hơ\, tơl bơnah lơh sa ndrờm gơtùi tus bal bơtàu tơnguh ală rơndap broă lơh ồs đèng mờ gùng che ồs đèng. Bơtàu tơnguh ồs đèng pơgồp bal mờ sền gàr tiah ơm kis; lơh lài bơtàu tơnguh đèng lơh gơlik wơl, ờ hoan [ơ\ tiah ơm kis.

Tềng đap bơta geh ngan khà priă ồs đèng bơh 2,3 hìu bơnhă dê gơguh uă, tàm dơ\ pơrjum, Thủ tướng sồr Tập đoàn Ồs đèng Việt nam lơh loh nàng yal wơl làng bol in wă. Nùs nhơm là pal gàr tơl niam ờ lời gơlik geh bơta tìs mờ gơ rềng tus gơnoar kuơ bơh cau ngui đèng dê.

Cau mblàng K’ Hạnh