VOV4.K’ho – Mho mang òr, 22/5, tàm hìu lơh broă Chính phủ, Thủ tướng Nguyễn Xuân Phúc đơng lam pơrjum mờ ală gah, sơnah lơh broă dà lơgar bè ală rơndap broă bơtàu tơnguh lơh sa nam 2017.

Thủ tướng đơs tờm, khà bơtàu tơnguh lơh sa nam 2017 geh kuơ dờng màng ngan, gơ rềng uă ngan tus uă khà lơh sa dờng ndai, ngan là tă, ngui dơ\ mờ ngui dơ\ uă rlau 2 dơ\ kes priă dà lơgar, dồs dà lơgar kung bè broă lơh, priă lơh geh cau lơh broă in. Pal lơh geh jơnau kờ` 6,7% ai tơlik nam 2017 in nàng pơgồp bơnah mut lơh geh cồng nha jơnau kờ` bơtàu tơnguh 5 nam mờ Đảng dà lơgar, Quốc hội neh ai tơlik.

Thủ tướng sồr ală Phó Thủ tướng, Bộ trưởng, kuang atbồ gah broă lơh dà lơgar tơrgùm đơng lam krà` cê, sùm tàm jàu broă lơh, dờp git ală bơta gơlik geh mờ rơcang lài geh broă lơh dipal, lơh ngan lơh geh jơnau kờ` ai tơlik tơl gah, tơl broă lơh in.

               Cau cih mờ yal tơnggit K’Duẩn