VOV4.K’ho – Drim òr 3/4, tàm Hìu duh broă Chính phủ dê, Thủ tướng Nguyễn Xuân Phúc neh đơng lam pơrjum ờs mờng Chính phủ nhai 3/2017. Thủ tướng yal 10 tềl tơngo\ niam bơh rài lơh sa dê, bè lơh sa dờng kơ\ kơl jăp; khà kờp khà priă ngui sa (CPI) 3 nhai bồ nam gơguh 0,9%; tăc phan mờ lơgar ndai gơguh pràn; ală tiah lơh broă sa sươn sre, drơng broă ala gơguh jơnhoa rlau pơndrờm bal dùl tu\ mờ nam lài; priă bơcri tơn lơgar ndai (FDI) gơguh pràn mờ khà priă cih mat geh rlau 2 tơmàn 900 tơlak dollar Mỹ…Bulah bè hơ\, Thủ tướng yal bàr pe jơnau kơlôi rơcang, hơ\ là gơguh tai GDP 3 nhai bồ nam rơ\p mìng geh 5,1%, là khà gơguh tai ờ uă. Tàm tu\ lơh broă sa sươn sre, drơng broă ala gơguh uă den tiah kông nghiệp mờ bơ\t bơtàu gơguh ờ uă. Gơbàn jơnau do ngan là tài bơh tơnhàu zờu mờ kông nghệ lơh mòn ờ hềt lơh geh broă rơndăp lơh neh ai. Den tàng bè hơ\, Thủ tướng đơs là kờn pal geh bơta lơh wơl cing sách kơ\ kơl jăp, ngac ngar, geh bal cing sách kă bro, cing sách priă jền, mờ kuơmàng là jat sền niam bơta gơlik geh nàng geh broă lơh di tu\ mờ rơcang lài rlau. Tàm hơ\ geh broă rơndăp tăp sèng wơl, ngan là rơndăp tăp sèng wơl ală ngân hàng kă bro; tơnguh jơnhoa pràn jak rài lơh sa, geh bal kông nghệ mờ atbồ.

Cau cih mờ yal tơngi\t- Lơ Mu K’ Yến