VOV4.K’ho - Ngai òr (15/9), tàm [òn dờng Hồ Chí Minh, Thủ tướng Nguyễn Xuân Phúc  tus bal  dơ\ pơrjum Bộ trưởng mpồl lơh sa ka\ bro dimơ mờ dềt  APEC dơ\ 24. Ồng Nguyễn Xuân Phúc đơs loh,  Việt Nam kơp kờ` dờp geh bơta lơh broa\ bal bơh APEC tàm  bơta geh lơh niam   gah bơcri lơh sa ka\ bro, lơh geh bơta bươn bòai ai tus ala\ mpồl lơh sa ka\ bro dềt mờ di mơ. ‘’Tơngguh bơta pràn tàm pơr lòng, bơceh bơh mpồl lơh sa ka\ bro dềt ngan, dềt mờ dimơ tàm rài gùt plai ù  gơ rờm bal’’, la dùl tàm 4 gah broa\ lơh geh dong lài bơh jơnau sơnđan Nam dà lơgar APEC 2017 mờ ai go\ bơta kơp kờ` bơh lơgar Việt Nam  geh lơh broa\ bal mờ ala\ lơgar geh jơng  tàm mpồl nàng dong bơta bươn bòai ai ala\ mpồl lơh sa ka\ bro  dềt mờ di mơ brồ guh tàm  kỷ nguyên số.

Bơh  geh mùl màl Việt Nam, ồng Nguyễn Xuân Phúc kơp kờ` dờp geh bơta tam klac lơh broa\ bal bơh APEC  bè tơngguh bơta pràn, ròt ta\ dia nàng geh pơnjờng lơh sa ka\ bro, tam pơr lòng niam, drờm bal,  mơ kung kơryan geh bơta ờ niam bè tam gơl khà pria\... bơh ờ ua\ cau bơcri lơh sa bơh lơgar cau. Ồng Nguyễn Xuân Phúc  sồr ala\ cau jak lơh broa\ (SOM) sền sơnơng broa\ crơng gơs dùl kes pria\ dong kờl, pơnjờng ala\ mpồl lơh sa ka\ bro dimơ mờ dềt  tơngguh lơh broa\ bal mờ ala\  tập đoàn dờng, kong ti ua\ lơgar tus bal  mờ ala\ bơta kuơ bơh gùt plai ù dê.

                              Cau cih mờ yal tơnggit K’ Brọp