VOV4.K’ho – Drim òr 23/12, Thủ tướng Nguyễn Xuân Phúc mờ ală Pho\ Thủ tướng tus bal dơ\ bơyai lơh lam sồr tă pơgồp dong kờl làng bol tiah đah jum tàm gùl lơgar gơtìp dà ko\ dà cò lơh aniai bơh Văn phòng Chính phủ bơyai lơh.

Thủ tướng tă pơ gồp priă jền dong kờl

Do là dơ\ bàr Văn phòng Chính phủ bơyai lơh tă pơgồp dong kờl làng bol tiah gơtìp mìu nhàc dà ko\ dà cò lơh aniai. Dơ\ sơn rờp lam lơh tàm ngai 18/10, khà priă tă pơgồp geh là 400 tơlak. Kờp bơh nhai 10 nam 2016 tus tu\ do, ală càr tiah tàm gùl lơgar mờ Tây Nguyên geh 5 dơ\ mìu nhàc dà ko\ dà cò tàm uă tiah, mờ jo\ jòng, lơh aniai hoàc hươr uă ngan. Mìu nhàc dà ko\ dà cò neh lơh 111 nă cau chơ\t, mờ roh thi\t, rlau 300 rbô nơm hìu mờ gi\t nđờ jơ\t rbô lồ chi tam gơtìp ngơr bam tàm dà, mờ aniai jơh. Kờp jơh hoàc hươr là rlau 8500 tơmàn. Ngai 21/12 pa do, Thủ tướng Nguyễn Xuân Phúc neh tus Bình Định să tờm lòt sền tơn broă lơh bơsong jơnau gơlời wơl bơh mìu nhàc dà ko\ dà cò lơh aniai mờ lòt còp rài kis làng bol tàm tiah do dê. Thủ tướng Nguyễn Xuân Phúc neh geh kơrnoat dong kờl Bình Định 80 tơmàn priă mờ 2 rbô tấn phe bơsong jơnau gơlời wơl bơh trồ tiah lơh aniai.

Cau cih mờ yal tơngi\t- Lơ Mu K’ Yến