VOV4.K’ho - Lồi poh lài, tàm [òn dờng Pleiku, càr Gia Lai, Thủ tướng Nguyễn Xuân Phúc bal mờ mpồl kuang bàng bơh Chính phủ neh lơh broă mờ kuang bàng tòm càr Gia Lai bè broă lơh jăt kơnòl lơh sa mpồl bơtiàn.

Thủ tướng Nguyễn Xuân Phúc geh jơnau đơng lam tàm dơ\ lơh broă

Tàm dơ\ lơh broă, ồng Nguyễn Xuân Phúc neh đơs, càr Gia Lai geh khà tơnguh lơh sa uă, tă dia tàm kes priă geh jăt mờ rơndăp broă; pal kah tàm broă hòi jà bơcri priă. Càr Gia Lai kung sền gròi broă bơ\t bơtàu [òn lơgar pa, ba` hòi jà uă ir bơta pràn bơh làng bol mờ ba` lơh gơbàn dồs gam gơlời; sền gròi broă tơnguh bơtàu uă tiah tam phan jo\ tơngai; lơh jăt niam gùng dà broă lơh til mpồng brê. Mơya, ồng Nguyễn Xuân Phúc kung đơs, càr Gia Lai gam là càr geh broă lơh sa dềt, broă lơh sa mờ măy mo\k lơh gơs phan ngui sa ờ hềt di pal mờ bơta pràn, ờ hềt geh ală khà măt phan kă bro kờ` tơrgùm lơh sa mờ dunia. Càr Gia Lai geh 1 tơlăk 400 rơbô nă làng bol, mơya mìng geh 3 rơbô 500 anih lơh sa kă bro là ờ uă ngan. Bơdìh hơ\ tai, khà hìu rơ[ah gam uă rơlao 2 dơ\ jăt mờ khà bal gùt lơgar dê; bơta niam chài rơgơi gơbàn roh rui.

Thủ tướng Nguyễn Xuân Phúc attê kuang bàng ală anih lơh broă càr Gia Lai tus pơrjum

Ồng Nguyễn Xuân Phúc đơs tòm, càr Gia Lai pal geh broă lơh ngan dờng màng, geh broă lơh mùl màl pràn kơl dang hơ\ sồng geh tơnguh bơtàu. Bè broă tàm tơngai tus, ồng Nguyễn Xuân Phúc sồr kuang bàng càr Gia Lai: “Càr pal geh broă lơh ngan dờng màng, kơ\p kờ` pràn, geh broă lơh mùl màl pràn kơl dang den hơ\ sồng gơtùi tơnguh bơtàu. Di lah ờ geh nùs nhơm do den kal ke ngan kờ` tơmù kal ke càr dê. Tàm hơ\, càr pal tơrgùm tàm ală kơnòl tơmù khà hìu rơ[ah, lơh jăt broă kòn cau niam rơlao, rơcang lơh mơ rơndăp broă mờ khà geh ai tàm nam 2017, pơn jăt tai lơh gơs tiah tam phan jo\ nam mờ lơh gơs phan ngui sa kloh niam, chồl pràn broă tam brê, rơndăp broă wơl ală công ty lơh sa mờ brê, bơ\t bơtàu ờ uă khà măt phan kă bro dờng”.

       Cau cih mờ yal tơng^t Ndong Brawl