VOV4.K’ho – Drim òr 17/2, Thủ tướng Nguyễn Xuân Phúc geh dơ\ lơh broă mờ Tơrgùm ală Mpồl khoa học mờ kỹ thuật Việt Nam. Thủ tướng Nguyễn Xuân Phúc đơs ngan là mpồl cau geh bồ tơngoh jak là mpồl cau tờm bơceh pa mờ mblàng yal bồ tơngoh jak chài. Gơ wèt mờ dùl Chính phủ bơceh pa, loh làng, lơh broă, song dơ pă, drơng broă làng bol in den sơlơ kờn geh jơnau đơs tă pơgồp bơh ală cau jak chài mờ làng bol dê, sơlơ pal geh jơnau tă pơgồp wơl pràn kơldang, sơlơ pal geh bơta tam klac bal niam bơne\ đah atbồ Dà lơgar mờ gơnoar broă bơh ală mpồl dê, kuơmàng là tơrgùm ală mpồl khoa học mờ kỹ thuật. Thủ tướng kơ\p kờn Tơrgùm ală Mpồl khoa học mờ kỹ thuật Việt Nam pơn jat tai lơh niam rlau tai broă lơh bơtòm tơrgùm mpồl cau geh bồ tơngoh jak tàm lơgar mờ lơgar ndai, tơrgùm bơta pràn nàng pơgồp bơnah dan, dong broă Đảng, Chính phủ in ală bơta kuơmàng bè gùng dà broă lơh, chính sách bơtàu tơnguh dà lơgar.

Cau cih mờ yal tơngi\t- Lơ Mu K’ Yến