VOV4.K’ho - Tàm dơ\ tus còp mùl màl lơgar Campuchia, mho òr (24/4), Thủ tướng Nguyễn Xuân Phúc neh tus tìp cau bơtau lơgar Campuchia ồng Norodom Sihamoni.

Thủ tướng Nguyễn Xuân Phúc tìp mờ cau bơtau lơgar Campuchia Norodm Sihamoni

Ồng Nguyễn Xuân Phúc đơs niam ală cồng nha mờ lơgar Campuchia neh geh tềng đăp mờ broă đơng lam bơh cau bơtau dê; kuơ màng ngan là ală cồng nha dờng màng, tơl ală bơta tàm broă bơ\t bơtàu lơgar Campuchia lơngăp lơngai, ring niam, tơnguh bơtàu, geh gơnoar mờ bơngă sơlơ ngai sơlơ pràn tàm tiah do mờ tàm dunia. Ồng Nguyễn Xuân Phúc kơ\p kờ` tàm tơngai tus, cau bơtau pơn jăt tai kờ` bal, lam sồr kờ` broă lơh g^t gơ\p, lơh bơyô bal mờ lơh broă bal niam bơne\ bơh 2 lơgar sơlơ ngai sơlơ tơnguh bơtàu prà, mùl màl mờ geh cồng nha. Cau bơtau Norodom Sihamoni sền ngềr ngan tềng đăp mờ ală cồng nha làng bol lơgar Việt Nam neh geh tàm broă bơ\t bơtàu mờ tơnguh bơtàu dà lơgar. Cau bơtau lơgar Campuchia pơn jờng mờ đơs niam dơ\ tus còp mùl màl lơgar Campuchia bơh ồng Nguyễn Xuân Phúc dê mờ pin dờn dơ\ tus còp do geh cồng nha niam bơne\, pơgồp bal tàm broă chồl pràn broă lơh bal bơh lơgar Campuchia mờ lơgar Việt Nam pơn jăt tai tơnguh bơtàu pràn tàm tơngai tus.

Lài mờ hơ\, drim òr (24/4), Thủ tướng Nguyễn Xuân Phúc neh bal mờ Thủ tướng lơgar Campuhia Samdech Hunsen tus bal dơ\ mut ngui rơbàng Long Bình – Chrey Thom, rơbàng pơrgan tiah nhàr lơgar tơrbo\ càr An Giang, lơgar Việt Nam mờ càr Kandal, lơgar Campuchia.

Thủ tướng lơgar Việt Nam bal mờ Thủ tướng lơgar Campuchia koh bơyài mu\t ngui rơbàng Long Bình

Rơbàng geh lơh rơlau 3 nam, tàm hơ\ Việt Nam neh bơcri mờr 18 tơlak đôlar Mỹ, mờ ai càn dong kờl priă cồng rơlau 20 tơlak đôlar Mỹ lơh bơnah rơbàng đah lơgar Campuchia. Do là broă lơh gùng lòt dờng dơ\ 2 tàm lơgar Campuchia, tơnơ\ gùng 78 geh lơh mờ priă càn dong kờl priă cồng bơh Chính phủ Việt Nam dê. Rơbàng Long Bình – Chrey Thom geh lơh tàm gơl gùng lòt ù gờl lơyah ngan rơlau jơh tơrbo\ càr lơgar Phnom Penh, lơgar Campuchia tus tiah nhàr lơgar Việt Nam, jòng mờr 70 kơi sồ, geh chul chồl bơtàu tơnguh lơh sa, kă bro đah 2 lơgar, kung bè pơgồp bơnah tơn jơh jơgloh tơmù rơ[ah tàm ală tiah nhàr lơgar gam uă kal ke.

Kung tàm ngai òr (24/4), Thủ tướng Nguyễn Xuân Phúc neh tus lùp còp, boh bơr mờ cau lơh broă Đại sứ quán Việt Nam tàm lơgar Campuchia mờ ala mat mpồl cau Việt Nam gam ơm kis, bơsram, lơh broă tàm lơgar Campuchia.

Cau cih mờ yal tơng^t Ndong Brawl – K’ Duẩn