VOV4.K’ho – Kung tàm dơ\ lòt còp ngan ngồn lơgar Lào, ngai òr 26/4, Thủ tướng Nguyễn Xuân Phúc neh geh dơ\ tìp mat cribơyai broă mờ Thủ tướng lơgar Lào, ồng Thongloun Sisoulith. Tàm dơ\ tìp mat, bàr gah geh jơnau đơs tơngo\ bơta chờ hờp bè bơta bơtàu tơnguh niam bơne\ bơh bơta gi\t gơ\p dờng màng đah Việt Nam mờ Lào tàm tơngai lài; đơs ngan là geh pơn jat tai lời ai bơta ai lài uă ngan rlau jơh mờ lơh jơh pràn he dê bơ\t bơtàu ai bơta gi\t gơ\p tam klac lơh bơyô bal ờs mờng in mờ tam klac bal dờng màng do in. Bàr gah dùl nùs bal tàm tơngai tus geh pơn jat tai lơh niam ală jơnau ring bal đah kuang bàng dờng màng neh geh ki\ pơrgon; ală cồng nha lơh geh tàm pơrjum dơ\ 39 Ủy ban bàr Chính phủ bè lơh broă bal 2 gah Việt Nam mờ Lào mờ mu\t lơh geh cồng nha Hiệp định lơh broă bal bàr gah đah Việt Nam mờ Lào tơngai bơh nam 2016- 2020; sơlơ pin dờn bal chính trị; tơnguh jơnhoa cồng nha lơh broă bal tàm jơh ală broă: chính trị lơh broă mờ lơgar ndai, lơngăp lơngai sền gàr dà lơgar, lơh sa, kă bro, bơcri priă…Bàr gah đơs ngan là pơn jat tai pơgồp bal niam tàm ală cribơyai dunia mờ tàm tiah do, pơgồp bơnah sền gàr bơta ring lơngai, lơngăp lơngai mờ kơ\ kơl jăp, lơh broă bal mờ bơtàu tơnguh tàm tiah do mờ tàm dunia. Tơnơ\ dơ\ tìp mat cribơyai broă, Thủ tướng 2 lơgar Việt Nam mờ Lào neh sền go\ bal dơ\ bơyai lơh ki\ 7 sră nggal lơh broă bal tàm ală broă: gùng lòt pơndiang phan, priă jền kă bro, ồs đèng đah ală anih lơh broă bơh 2 lơgar dê.

Tơnơ\ dơ\ tìp mat cribơyai mờ Thủ tướng Lào ồng Thongloun Sisoulith, Thủ tướng Chính phủ Nguyễn Xuân Phúc neh tus lùp còp Tổng Bí thư, Chủ tịch lơgar Lào ồng Bounnhang Volachith, tìp mat Chủ tịch Quốc hội mò Pany Yothotou; wă Chủ tịch Mpồl git gơp lơh bơ yô Việt Nam – Lào ồng Vilayvong Butdakham. Tàm ală dơ\ tìp mat, ală kuang đơng lam bồ lơgar Lào ndrờm ràng tơlik nùs nhơm chờ hờp sền go\, tềng đap bơta đơng lam krà` cê bơh Thủ tướng 2 lơgar, git gơp lơh bơ yô ờs mờng, tam klac kuơ màng mờ tơl làm đah 2 lơgar ngai sơlơ geh kơ\ kơljap mờ bơtàu tơnguh jrô ơnàng tàm jơh ală gah chính trị, sền gàr dà lơgar, sền gàr ngap lơngai, lơh sa, bơto bơsram, chài rơgơi - mpồl bơtiàn… cèng wơl cồng nha ngan ngồn ai làng bol 2 lơgar in.

Cau cih mờ yal tơngi\t- Lơ Mu K’ Yến mờ K'Duẩn