VOV4.K’ho - Drim òr (9/12) tàm Hà Nội,  Thủ tướng Nguyễn Xuân Phúc  geh tus  bal tàm dơ\ cri bơyai bơtàu tơngguh Việt nam 2016 (VDF-2016), mờ sơnđan: Chính phủ bơceh lơh mờ broa\ lơh-bơta pràn pa tus bơtàu tơngguh. Đơs tàm dơ\ cri bơyai, ồng Nguyễn Xuân Phúc đơs tờm broa\ lơh kuơ màng ngan tàm nam 2017 bơh Việt Nam la geh rơndap wơl lơh sa mùl màl ngan,  bal mờ tam gơl broa\ lơh gơguh lơh sa,  tơngguh cồng nha lơh sa, khà lơh sa, cồng nha geh mờ bơta tam pơr lòng. bal mờ hơ\ la lơh pràn  cổ phần hoá ala\ mpồl lơh sa ka\ bro dà lơgar,  pria\ lơh sa jat drà ka\ bro, crơng gơs anih lơh broa\ đơng lam ala mat cau tờm pria\ dà lơgar tàm ala\ mpồl lơh sa ka\ bro, tơngguh bơta pràn atbồ,  cồng nha broa\ lơh bơh ala\ mpồl lơh sa ka\ bro dà lơgar.

Ồng Nguyễn Xuân Phúc kung sồr ala\ cau lơh broa\ bal bơtàu tơngguh mờ cau dong kờl pria\ lơh sa geh dong blàng,  geh jơnau tơlik ala\ broa\ lơh dong Việt Nam  bơsong ala\ bơta bè sền gàr tiah kis, tam dra\ mờ tam gơl  trồ tiah,  gàr niam ngap lơngai mpồl bơtìan, pơnjat tai geh  dong kờl broa\ lơh sang  sơbì  jơgloh tơmù rbah,  dùl gah mờ anih pria\ jền dunia neh dong kờl Việt Nam  geh cồng nha ngan.

                                                                   Cau cih mờ yal tơnggit K’ Brọp