VOV4.K’ho - Drim (5/9),  Thủ tướng Nguyễn Xuân Phúc neh tusbal dơ\ lơh chờ mut nam bơsram pa 2017-2018 bơh Học viện chính trị dà lơgar Hồ Chí Minh- hìu bơsram bơto bơtê cau kuang dờng màng ngan bơh Đảng mờ Dà lơgar. Đơs tàm dơ\ lơh chờ, ồng Nguyễn Xuân Phúc neh pơyua tus jơh ala\ cau pơgru, kơnòm bơsram, cau bơsram dờng tàm gùt lơgar đơs bal mờ gùt làm cau kuang, cau pơgru bơto cau bơsram bơh Học viện đơs is jơnau nting sap niam ngan rlau jơh.

Tơnơ\ dơ\ lơh chờ sơnđờm mut nam bơsram pa, ồng Nguyễn Xuân Phúc neh lơh broa\ mờ kuang bàng atbồ tờm ngan bơh Học viện. Ồng đơs tờm, bơto bơtê mờ bơsram, lơh geh mpồl cau kuang, cau atbồ, atbồ bơh Đảng, Dà lơgar geh pơrya kuơ màng ngan. Ồng neh jờng Học viện neh geh ala\ broa\ lơh niam, tam gơl pa, lơh bal bơh jơnau cri bơyai mờ mùl màl, pơ gồp bal kuơ màng  tàm  broa\ lơh bơt bơtàu gùng dà broa\ lơh bơh Đảng, broa\ lơh mờ adat boh lam mờ đơng lam atbồ dà lơgar.

Học viện kờ` pal tam gơl pa, tơngguh khà niam bơto bơtê mờ bơsram, sền sơnơng, pơ nàng broa\ lơh bal mờ lơgar cau, lơh geh  bal  cau lơh broa\ kuơ màng  mờ ala\  hìu bơto bơtê niam ngan rlau jơh tàm dunia kờ` geh tam gơl broa\ bơsram, lơh geh mờ lơh gơs broa\ lơh bơto bơtê mờ bơsram.

                                                                  Cau cih mờ yal tơnggit K’ Brọp