VOV4.K’ho – Ngai òr 27/2, Thủ tướng Nguyễn Xuân Phúc tus bal pơrjum hòi jà bơcri priă kă bro mờ nhơl chờ càr Tuyên Quang. Đơs tàm dơ\ pơrjum, ồng Nguyễn Xuân Phúc đơs ngan là, Kuang đơng lam bồ càr Tuyên Quang pal sền dờng màng mpồl bơtiàn lơh bal, kuơmàng là gơhòi bơcri priă bơh làng bol dê. Tuyên Quang geh bơta pràn là ù tiah nđiơm gơs ngan, mờ dờng ơnàng ngan; geh dà uă ngan bal mờ uă ngan dà dờng. Tu\ gơl gùng rơndeh ntoăt răt tơrbo\ Tuyên Quang mờ gùng rơndeh ntoăt răt Nội Bài- Lào Cai geh lơh gơs den Tuyên Quang lòt tus Hà Nội mìng jơh 1 jiơ mờ nggùl lơm, [ươn ngan ai broă lòt rê kă bro phan bơna in. Thủ tướng tơngkah Tuyên Quang kờn pal geh rơndăp ù tiah niam, bơtàu tơnguh mơya pal gàr geh tiah ơm kis tơlir niam mờ sàng kloh. Bal mờ hơ\ pơn jat tai lơh niam wơl sră nggal hành chính ai tiah bơcri priă kă bro in niam ngan rlau jơh.

Cau cih mờ yal tơngi\t- Lơ Mu K’ Yến