VOV4.K’ho – Drim òr 6/1, tàm Hà Nội, Thủ tướng Nguyễn Xuân Phúc neh tus bal Pơrjum pờ tơn tàm internet tơn jơh broă lơh nam 2016 mờ mu\t lơh kơnòl broă nam 2017 gah kông thương dê. Đơs là, nam 2016, gah kông thương lơh geh uă cồng nha niam mơya kung gam uă bơta, Thủ tướng đơs: gah kông thương neh gơtìp gơ tu\p mơya ờ hềt gơ pừ. Sơlơ\u wơl gah lơh broă do geh bơta brồ guh pràn ngan. Bè bàr pe kơnòl broă tàm tơngai tus, Thủ tướng sồr “tơrgùm bơsong ală bơta gam gơkòl tàm jơ\t nđờ rơndăp broă lơh gam gơ ơm tàm Bộ Kông thương”. Kuang đơng lam bồ Bộ Kông thương, ală tập đoàn pal tơrgùm, lơh broă geh uă kơnòl bơh cau lam bồ dê tàm broă bơsong bơta gam gơkòl do. Thủ tướng đơs tờm, ờ ngui priă kes priă dà lơgar dê nàng bơsong ală rơndăp broă lơh gơtìp hoàc hươr do. Pal hơ lơh geh bàr pe bơta tàm pơnring dờng bơh rài lơh sa tàm tơngai di mơ mờ jo\ tơngai dê, mờ ờ go\ di là mìng lơyah tơngai lơm gời ờ. Hơ\ là ồs đèng, nhơm zờu, chah lu\ mờ bàr pe phan bơna ndai.

Cau cih mờ yal tơngi\t- Lơ Mu K’ Yến