VOV4.1K’ho – Mang ngai 2/1/2017, tàm Thị xã Đồng Xoài, geh bơyai lơh tơngkah 20 nam ngai crơng gơs wơl càr Bình Phước (1997 – 2017). Tàm dơ\ bơyai lơh, Thủ tướng Nguyễn Xuân Phúc đơs, tàm tơngai crơng gơs wơl nam 1997, Bình Phước là dùl tàm ală càr geh bơta sơn đờm ờ pràn, priă lơh geh mìng ndrờm mờ gùl gùt lơgar dê. Sơr lèt gan 20 nam bơt bơtàu mờ bơtàu tơnguh, Mpồl Đảng, gơnoar atbồ mờ làng bol càr Bình Phước neh sơr lèt gan kal ke, lơh geh uă cồng nha niam. Nting sap gờm chờ ală cồng nha bơh mpồl Đảng, gơnoar atbồ mờ làng bol càr Bình Phước dê tàm tơngai lài, Thủ tướng đơs bè rơndap broă wèt sền bơh càr Bình Phước dê tàm tơngai tus, lơh ngan gơs càr lam lài tam gơl pa, pas sơm bơh tiah đah jum mattơngai lik dà lơgar mờ gùt lơgar dê jat bơnàng jă bơh lơh sa suơn sre gơguh jak, lơh sa suơn sre hữu cơ, lơh sa suơn sre geh bơta niam uă. Do kung là càr geh khà mpồl lơh sa kă bro gah suơn sre uă ngan gùt lơgar, tơr gùm lơh gơlik uă kờ` lơh geh ală phan bơna kă bro geh bơta kuơ uă, geh mat sơnđan kă bro kơnă dà lơgar, ala mat dipal ai mat sơnđan kă bro gah lơh sa suơn sre Việt Nam tàm ròt bơta kuơ tàm kơnhoàl mờ dunia.

          Cau cih mờ yal tơnggit K’Duẩn