VOV4.K’ho – Dờp jơnau jà bơh Thủ tướng lơgar Campuchia ồng Samdech Hunsen mờ Chủ tịch cribơyai lơh sa dunia (WEF) ồng Klaus Schwab, drim òr, Thủ tướng Nguyễn Xuân Phúc lam bồ mpồl kuang bàng Việt nam lòt gùng tus càr lơgar Phnom Pênh, lơgar Campuchia tus bal cribơyai lơh sa dunia bè ASEAN. Pơrjum nam do geh tơngume “Ơruh pơnu, công nghệ mờ bơtàu tơnguh: Brồ guh ală bơta pràn bơh ASEAN dê bè nhân khẩu học mờ công nghệ số”. Pơrjum kung cribơyai uă bơta đơs bè bơta sền gròi bơh ală mpồl lơh sa kă bro dê tus mờ ASEAN bè đal git ASEAN tàm tơngai pa bè ù tiah, chính trị mờ lơh sa gùt plai ù, bơta kơp kờ` mpồl bơtiàn lơh sa ASEAN, ală gơ rềng bơh kac màng công nghiệp dơ\ 4 tus mờ ală lơgar ASEAN tàm gah bơto bơsram, lơh broă, pràn jak tàm pơr lòng, lơh sa số…

               Cau cih mờ yal tơnggit K’Duẩn