VOV4.K’ho - Àng drim gờ` ngai do 31 nhai 5, jăt jơ Hà Nội, Thủ tướng Nguyễn Xuân Phúc bal mờ mpồl kuang bàng đờng màng lơgar Việt Nam neh tus [làng rơndeh par ling klàng St. Andrews, tàm càr lơgar Washington, lơgar Mỹ. Jăt broă lơh tàm càr lơgar Washington, ồng Nguyễn Xuân Phúc geh dơ\ cri bơyai mờ ồng Donald Trump, kuang atbồ lơgar Mỹ; wă ờ uă kuang bàng, tập đoàn lơgar Mỹ; tus pơrjum cri bơyai mờ Phòng Thương mại lơgar Mỹ bal mờ Mpồl duh broă kă bro mpồl ASEAN mờ lơgar Mỹ mờ tus jào ală sră nggal ring bal bè kă bro, bơcri priă.

Lài mờ hơ\, ồng Nguyễn Xuân Phúc neh geh ờ uă broă lơh tàm [òn dờng New York bè tìp Tổng Thư ký Liên hợp quốc ồng Antonio Guterres, tus pơrjum tơnkah 40 nam ngai lơgar Việt Nam mu\t bal tàm Liên hợp quốc, tus pơrjum kơ [àng wil bè broă bơcri priă bơh lơgar Việt Nam mờ lơgar Mỹ, wă ờ uă cau lơh sa kă bro, cau geh bồ tơngoh ngăc ngar lơgar Việt Nam kis mờ lơh broă tàm lơgar Mỹ, wă ờ uă tập đoàn lơgar Mỹ, tìp mờ boh bơr mờ kuang bàng, cau lơh broă mpồl ala măt lơgar Việt Nam tàm Liên hợp quốc.

Cau cih mờ yal tơng^t Ndong Brawl