VOV4.K’ho - Mho òr (19/1),  mpồl lơh broa\ dờng màng bơh Chính phủ bơh  thủ tướng Nguyễn Xuân Phúc lam bồ, neh sơnđờm  tus bal ala\ broa\ lơh tàm pơrjum pah nam dơ\ cri bơyai lơh sa dunia  (WEF) dơ\ 47 tàm [òn dờng Davos, Thuỵ Sĩ. Do la pơrjum dờng ngan bơh cri bơyai lơh sa dunia  gơ hòi geh rlau 3 rbô na\ cau kuang la atbồ  dờng màng ala\ lơgar, ala\ mpồl dunia dờng mờ ala\ Tập  đoàn lam bồ lài dunia. Dơ\ pơrjum nam do geh lơh  di pơgap 400 dơ\ cri bơyai gùt dar ala\ bơta la atbồ kơnòl broa\ mờ broa\ lơh, nàng geh gùng dà broa\ lơh bơh al chính phủ, mpồl dunia  tàm tu\ dunia geh ua\ bơta gơbàn kal ke ờ git lài.

Thủ tướng Nguyễn Xuân Phúc mờ ồng  Klaus Schwab

Tàm pơrjum cribơyai lơh sa dunia, thủ tướng Nguyễn Xuân Phúc neh tìp mat cribơyai mờ Thủ tướng lơgar Áo Christian Kern, lơh broă mờ Chủ tịch cribơyai lơh sa dunia WEF ồng Klaus Schwab, Chủ tịch anih priă jền bơtàu tơnguh châu Á Tahehiko Nakao, Chủ tịch tập đoàn Microsoft Bradford Smith, tus bal cribơyai mờ ờ uă tập đoàn dờng mờ tìp mat ală gah lơh bau\ dờng. Thủ tướng bal mờ Chủ tịch WEF Klaus Schwab neh tus bal ki\ jơnau ringbal tam klac đah Việt Nam mờ WEF bè bơtàu tơnguh rài lơh sa Việt Nam brồ guh is tềng đap rơnàng tơnơ\ do. Jat jơnau ringbal, WEF geh dong kờl Việt Nam tam klac mờ ală mpồl lơh sa kă bro mờ cau jak chài kơ lôi sơ nơng dờng màng ngan bơh WEF dê; pơgồp bal kơlôi sơnơng mờ pơlam chính sách tàm ală gah Việt Nam sền gròi mờ rơndap  tap sèng wơl lơh sa, bơtàu tơnguh lơh sa suơn sre công nghệ cao, cồng nha lơh geh, pràn tàm pơr lòng dà lơgar, tam gơl trồ tiah…

                   Cau cih mờ yal tơnggit K’ Brọp mờ K' Duẩn